گؤلوم نه اولار قوروما...سنينله خاطيره لريم وار،سنينله ياشاميشام،من سن اولموشام سنده من... يوردومون بركتي،آبريسي سان سن،نه اولار قوروما... داريخان گونلريمي سنين يانينا گلميشم،سنينله پايلاشميشام... شنليك گونلريمي ايسه گليب سندن آپارميشام...نه اولار قوروما... سنينله هاراي چكيب باغيرميشام،اينسانلار!سيزين هرنه يينيز ده وارسا،منيم دوزلو اورمو گؤلوم وار...نه اولار قوروما... شهريمه گونشي سن وئرميسن،سنده گونش باتماييب،باتماياجاق،سن گونشي دوغورسان،نه اولار گولوم قوروما... سن قوروسان بوتون اوشاغليغيم ايته جك،خاطيره لريم پوزولاجاق،شنليك بوردان قاچاجاق... داريخمالار دام-دوواردان آشاجاق،سنجه آبيرحيثيت مي قالاجاق؟؟ آرخاميز بوشالاجاق،آرتيرهارايلار اوركده ياتاجاق،قارانليقلار شهريمه دولاجاق...آرتيق بوردا گونش ده دوغولماياجاق،نه اولار اورمو گؤلوم قوروما... . حسين واحدي – مجله آفتاب آزربايجان